Assalamualaikum Wb. Wb.
Ingkang kula hormati bapak kepala sekolah SMP Negeri 2 Pasuruan, lan Bapak
Ibu Guru sumawana rencang-rencang ingkang kula ajeni. Saderengipun mangga kita
sesarengan ngaturaken puja-puji dhumateng ngarsanipun Gusti Ingkang Maha Kuwaos
inggih punika Gusti Allah swt. Amargi kita sedaya saged makempal dhateng
pasamuan siang punika, kangge mengeti dinten kalairane Nabi Muhammad saw
tanggal 12 Rabbiul awal utawi sering dipun sebat maulud Nabi.
Para pilenggah sedaya ingkang luhur ing budi, wonten ing tanggal 12 Rabbiul
awing ing taun gajah, Muhammad lair dhateng bumi punika. Rikala Muhammad taksih
dhateng madharan ibunipun, inggih punika Siti Aminah, bapakipun sampun seda,
sahingga Muhammad lair punika kawantenanipun yatim. Saksampunipun yuswa 40
tahun, piyambake kalih Gusti allah swt dipun angkat dados nabi. Ajaran islam
ingkang dipun tampi Nabi Muhammad saw, saged ngrembaka dhumateng umat sak
ndonya kanthi pangorbanan ingkang ageng sanget dening Nabi Muhammad saw.
Ngantos dinten punika ajaran Islam taksih dipun percados tiyang-tiyang
anom-sepuh, lare ageng-alit lan para kawula mudha. Pengetan Maulud Nabi ngeten
punika saged nambah iman kita sedaya sahingga kita tansaya tresna marang Nabi
Muhammad saw. lan saya ajrih dhumateng Gusti allah swt. kanthi nglaksanaaken
sedaya perintahipun lan nebihi sedaya awisanipun. Kegiatan agami dhateng
sekolahan kita ingkang saged nambah keimanan kita para kawula mudha inggih
punika , rikala wulan Ramadhon dipun wontenaken sholat tarawih lan buka siam
sesarengan.
Para pilenggah ingkang bagya mulya, mekaten kalawau ingkang saged kula
aturaken. Mbok bilih wonten lepat kula nyuwun pangapunten sak
kathah-kathahipun. Akhirulkalam wa billahi taufiq wal hidayah,
Tidak ada komentar:
Posting Komentar